KAMANDA WA TALIBAN AUWAWA NA NATO

Shambulio la anga lililofanywa na ndege isiyo na rubani ya kikosi cha Jumuiya ya Kujihami ya NATO, limemuuwa kamanda wa kundi la Taliban katika eneo la kaskazini-mashariki mwa Afghanistan. Afisa wa polisi, Ahmad Farid katika mkoa wa Kunar karibu na mpaka wa Pakistan, amemtaja kamanda huyo kuwa ni Hajji Attaullah. Vikosi vya kimataifa vinavyoongozwa na NATO, vimethibitisha kuhusu shambulio hilo. Shambulio hilo limefanyika wakati Mawaziri wa Mambo ya Nje wa NATO wanakutana leo mjini Brussels ambapo pamoja na mambo mengine wanatarajia kuishinikiza Afghanistan kukubali masharti ya kuendelea kwa shughuli za kikosi cha NATO baada ya jumuiya hiyo kuondoka mwaka ujao, huku wakishauriana kuhusu mustakabali wa nchi hiyo kufuatia operesheni kubwa ya kijeshi ambayo bado haijaanza.